Home فنون وتلفزةمسلسل الفوندو #بَيّه : توضيح الصاروخ الصيني التوانسة قررو أنهم يطيحوه في الهند و هاو مرة في تونس و ه…

#بَيّه : توضيح الصاروخ الصيني التوانسة قررو أنهم يطيحوه في الهند و هاو مرة في تونس و ه…

by قلم التحرير

[penci_ads id=”penci_ads_4″]
🔴 توضيح

الصاروخ الصيني التوانسة قررو أنهم يطيحوه في الهند و هاو مرة في تونس و هاو مرة درا وين…لا و يهبطو في تصاور و فيديوهات زادة متاع إنفجار قديم في الهند و يطمنو في التوانسة و يقولولهم أرقدو جوكم باهي هاو طاح و في الهند..
يا معشر الجهلوط حلو مخاخكم شويا و نقصو من copier-coller ببهامة…
الصاروخ يدخل للفضاء الجوي متاع الأرض أصلا بين 8 و 10 ماي..!
يعني هو توى يدور حول الأرض بسرعة فائقة لكن خارجها..
و وقتلي يبدى بالهبوط و يفوت طبقة الأوزون و يدخل للفضاء الجوي للأرض وقتها نوليو نبداو إنجمو نحكيو على سقوط قريب..!
علماء فلك و بنتاغون و أكبر دول العالم قالو راهو حاليا صعيب نتوقعو وين ينجم يسقط و ذلك أولا للسرعة الفائقة للصاروخ إلي في حدود 29 ألف كلم في الساعة الواحدة و ثانيا للعوامل الخارجية إلي أي عامل يأثر على الصاروخ ينجم يغيرلو المسار متاعو.
ثم بش تطمنو هو الصاروخ دوب ما بش يخترق الغلاف الجوي متاع الأرض بش يتم ضربو و تفجيرو بصواريخ يعني موش بش يخليو 21 طن بالسرعة هاذيكة الكل يهبط على الأرض لكن هوما المخاوف متاعهم أنو كيف يطرشقوه يقعدو باقي ثمة أجزاء كبيرة تنجم تقلق و تشكل خطورة صغيرة.
هذا الكل مع أنو العديد من العلماء يقولو أنو من المغلب أنو يطيح في البحر بما أنو الماء يمثل 70% من مساحة الكرة الأرضية و خصوصا المحيط الهادي لأنو الأكبر حجما.
فلذى يعيشكم يا توانسة تلهاو في همنا و الصاروخ عندو إماليه لاهين بيه دول عظمى و علماء فلك من أعلى المستويات و وزارات دفاع بلدان مرعبة حربيا..
و لا تنساقو وراء الإشاعات و خصوصا الناس إلي ما تفهمش و تهبط في إلي يجي و زيد بالصور و الفيديوهات المغلوطة..
شاهية طيبة..


[penci_ads id=”penci_ads_1″]

You may also like

2 تعليقان

Amin Tlg 07/05/2021 - 6:28 م

Cha3b 9adya la hhhhhhh ymordo même gadah ndawra dar 😂😂😂🤣

Reply
محمد بن محمد 07/05/2021 - 6:28 م

ربي تستر❤

Reply

Leave a Comment