Home فنون وتلفزةمسلسل الفوندو #كاتب_السيناريو : الإهمال هو الموت البطيء للمرآة من العنوان تفهم كل شيء و جملة تخليني نكتب قد ما…

#كاتب_السيناريو : الإهمال هو الموت البطيء للمرآة من العنوان تفهم كل شيء و جملة تخليني نكتب قد ما…

by قلم التحرير

[penci_ads id=”penci_ads_4″]
الإهمال هو الموت البطيء للمرآة 💔

من العنوان تفهم كل شيء و جملة تخليني نكتب قد ما إنجم على الكلمة هاذي لي برشة بنات و اولاد بش يحسوا كلامي و من اول ما يقراو الجملة هاذيكة بش يرجع بيهم الوقت لتالي و بالأخص لبنات لي كيفاش كان الراجل معاها و توة كيفاش ولى قتل كل شيء فيها باهي كيفاش كانت معاملاتو معاها ملول وين نحطك يا طبق الورد و توة الطبق ولى فيه ورد ذابل ماعندو حتى قيمة كيفاش كان يهتم بيها في كل لحضة وينك؟؟ شتعمل؟؟ وين كنت؟؟؟ مع شكون؟؟؟ نجي نروح بيك؟؟؟ و توة ولات هي من آخر إهتماماتو في الدنيا !! الطفلة كيف تذوقها الإهتمام ملول مستحيل تسلم فيك كرهنا و لا حبينا كل انسان فينا يحب شكون يهتم بيه و يحسسو بقيمة الوجود متاعو معاه يعني انت كي تهتم بيها راك زرعت فيها روح خاصة بيك انت وحدك !! و بالرسمي نحير في برشة ناس او بالأحرى رجال ما يعرفوش قيمة الأنثى لي في حياتو و ما يعرش كيفاش حتى يتعامل معاها ولا حتى في حياتها الشخصية لي صعبت على أي واحد منهم حتى في أبسط الأشياء ما يعرش كيفاش يحس ما يعرش كيفاش حتى بش يطلب منها حتى قبلة خفيفة كأي كوبل بين بعضهم ما يعرش يحميها و لا يخاف عليها و يحسسها بالإهتمام لي بالنسبة ليا أقوى من كلمة نحبك و انت اول انسانة في حياتي و هات من هاللغة المحرفة ما يعرش يخليها تكون مرتاحة معاه قبل ما يطلب منها اي حاجة !! برشة منهم يوصل يضرب مرتو ولا صاحبتو قال شنية وريها حر يديك بش تشد الثنية ولا بش يبين رجوليتو عليها بالضرب و العنف تنجم تضربها بلسانك بكلام يخليها تندم على كل شيء عملتو غالط معاك و فمة جماعة الرجال قوامون على النساء فيبالو شكون لي يضرب مرتو أكثر و لا شكون يعنف اكثر و لا شكون تخدمو أكثر !! خويا الغالي نفهمك الكلمة بالصحيح في الآية هاذي الرجال قوامون على النساء مقصودها بيها هي السعاة على القواعد موش ذكر على أنثى و انما الرجل فله القوامة و من قعد فهو نسآة سواء ذكر او انثى يعني خويا موش انت تبدى لا تخدم لا تسعى لا تتحرك و ماكش تعمل في شيء و مبعد تقول لي القوامة على النساء و نقلك لي أكثر من يقسو هو اضعف خلق الله يا عنيف ! فمة شكون يبدى مهمل صاحبتو ولا مرتو لا وين مشات لا وين جات و موش لاهي باها جملة و مبعد يقول شبيها تبدلت معايا و يحبها ما تخونوش مع شكون لي عرف قيمتها اكثر منك !! الطفلة تحبك تهتم بيها قبل ما انك تحبها الاهتمام حتى بالكلمة الباهية بكل شيء يحيط بيها فالاهمال هو اكبر عدو للحب و العكس بالعكس و العلاقات الزوجية ولا حتى علاقة بين طفلة و طفل فيها كان حاجتين يا حب يا إهمال لا ثالث لهما يعني بلغة اوضح يا تكون راجل يا سيبها للي ارجل منك اهتمام ليها و بش نعطيك مثال بسيط من الناس لي يحبو كراهبهم و لي لاهين بيها جرب ما تتلهاش بيها نهارين و لا ما تغسلهاش نهار تو تفسدلك بالرغم لي هي مصنوعة من حديد فمبالك قلب مرتك و لا صاحبتك لي فيه مشاعر و احاسيس تنجم تموت في اي لحضة كيف ما تهتمش بيها و توة يقول القايل علاش الطفلة تعرس و لا تصوحب !؟ هي حبت تعرس ولا تصوحب بش تحس بأنوثتها معاك انت موش مع اي واحد آخر تحب تحس معاك باهتمامك ليها قبل كل شيء خاطرها أضعف مخلوق على وجه الأرض حساسة برشة و كل شيء ينجم يآثر فيها و لا يكسر خاطرها حتى بكلمة بسيطة و حتى الرسول قال رفقا بالقوارير وصف مشاعر المرآة بالقوارير على خاطرها فيسع ما تتكسر و كان تكسر قلبها من داخل صعيب ياسر ترجع معاك كيما قبل !! فإذا اردت ان تقتل المرآة فأهملها و اذا كنت ان تكون لها السماء تكون لك الأرض و اذا اردت انا تكون لها رجل تكون لك أنثى على قد ما تهتم بيها تزيد تعشقك اكثر ملي تتصور خاطر الطفلة في الحب اصدق هاذي حقيقة …… و لي حبيت نوصلو في لخر اني كتبت لكلام هذا عن قناعة و ما يفهم الراجل كان الراجل و لازم نتقبلو غلاطنا كرجال في برشة حاجات و ما وصلت كتبت الكلام هذا الكل خاطر برشة بش يحسوه علخر و برشة منكم عاشوه في حياتهم و مازالو يعيشو فيه و حد ماهو بش يهرب من الواقع لي يعيش فيه و نختم كلامي بكلمة وحدة المرآة لا تقسو على من تحب إلا إذا عافت و الذي يقتل أي إمرآة في العالم هي قلة الإهتمام يعني موش طالبة منك لا فلوسك لا كراهبك لا ديارك لا زينك تحب كان انك تهتم بيها و تعرف قيمتها و chapeau لكل راجل يعرف قيمة الأنثى لي يحبها و مهتم بيها …… برطاجيها كيما هي بش توصل الفكرة و السلام ❤👌


[penci_ads id=”penci_ads_1″]

You may also like

38 تعليق

Mâr Iëm 05/05/2021 - 11:14 م

Bravo 💓💓💓

Reply
Em'na M'j 05/05/2021 - 11:14 م

Bravo Houssem Aloui 😊😊

Reply
TãsSnïm Ãbëđ Nebı 05/05/2021 - 11:14 م

Kol kelma f blasetha bravo wallh ❤️❤️

Reply
Jouhayna Dh 05/05/2021 - 11:14 م

bravo sadi9i

Reply
Imen Jemal 05/05/2021 - 11:14 م

👏👏👏👏

Reply
فاطمة التابعي 05/05/2021 - 11:14 م

❤️❤️❤️

Reply
Nanouch Nanouchti 05/05/2021 - 11:14 م

Bravo bien dit

Reply
Rawen Kouraichi 05/05/2021 - 11:14 م

Bravo houssem wawww ❤❤❤

Reply
Azza Jouini 05/05/2021 - 11:14 م

Bravo vraiment bravo nchalah el msg yosllhom w yfhemouh

Reply
Ghofran Rebai 05/05/2021 - 11:14 م

Brvoo

Reply
Ëÿaá DhÁÿå 05/05/2021 - 11:14 م

Bravo wlh❤

Reply
العمري نهال 05/05/2021 - 11:14 م

الاهتمام دليل على الحب

Reply
Nour Chene 05/05/2021 - 11:14 م

Vraiment ya3tk Sa7a njmt twasel mssg barcha 3bed kenou fehmin b 8alet 🙏🙏

Reply
Iss Lem 05/05/2021 - 11:14 م

Bravo😍

Reply
Houaida JlaSsi 05/05/2021 - 11:14 م

Vraiment 👏👏✅💟

Reply
Manou Ben Warda 05/05/2021 - 11:14 م

Bravo ❤❤

Reply
Noussa Sirina 05/05/2021 - 11:14 م

Bravoooooo🤩💋❤️🌺🌸😘

Reply
Chahrazed Mabrouk 05/05/2021 - 11:14 م

سعد المرى مش تآخذك المواضيع كل تعرفها هههخخخه

Reply
Mnejli Shayma 05/05/2021 - 11:14 م

🤗bravo

Reply
Linoucha Lina 05/05/2021 - 11:14 م

Bravo 🙈🙉🙊👏👏

Reply
Farah Farah 05/05/2021 - 11:14 م

Bravooo❤️❤️❤️💪

Reply
Sinda Behri 05/05/2021 - 11:14 م

Vraiment bravo 🌹🌸❤

Reply
Shaaheed Gh 05/05/2021 - 11:14 م

Bien dit et bravo💋♥️

Reply
Manel Malek Albouchi 05/05/2021 - 11:14 م

محلاه كلامك اماواقع نعيشو فيه من ااعادات وااتقاليد

Reply
Zribi Zribi 05/05/2021 - 11:14 م

Bravo ❤️👏

Reply
Hella Nassri 05/05/2021 - 11:14 م

من اقوى المواضيع المطروحة يعطيك الصحة
الاحترام و الاهتمام يولدان الحب …

Reply
Hend Halila 05/05/2021 - 11:14 م

bien dit 💟 bravo 😍

Reply
Nour Belaid 05/05/2021 - 11:14 م

Bien dit 👏💟 bravo

Reply
Wifek Wifek 05/05/2021 - 11:14 م

Bravo bien dit👏❤🍓

Reply
Naw Res 05/05/2021 - 11:14 م

الاهتمام هو سر السعادة و الاهمال عبارة عن تقلص تدربجي للاحساس يولد الانفجار و بالتالي الاحساس بفقدان القيمة لالطرف الاخر ثم برود و كره

Reply
Fatma Mamita Fatma 05/05/2021 - 11:14 م

Reply
Lili Diamant 05/05/2021 - 11:14 م

Très bien dit bravo

Reply
Siwar Bourbiaa 05/05/2021 - 11:14 م

Bravo👏👏 elehtimem howa kelmet nhebk belaf3el

Reply
Dherwich Khawla 05/05/2021 - 11:14 م

Bravoooo ❤❤

Reply
Hazar Sy 05/05/2021 - 11:14 م

bravo👌👌👌

Reply
Oumayma Hamdi 05/05/2021 - 11:14 م

bravo wlh 💓💓💓💓

Reply
Àss Maa 05/05/2021 - 11:14 م

Ça me fait de lire une chose comme ça❤❤❤ bravoooo🌸

Reply
Amouna Amouna 05/05/2021 - 11:14 م

كلام زين وعجبني بارشا وماعندي مانزيد عليه اما حاجة وحدة حسام أنا ضدها مهما يوصل الاهمال بين الطرفين ومن احد الطرفين الخيانة غير مسموح بيها حتى بمجرد التفكير فيها العشق الصحيح لايدنس و الخيانة ليس لها مبرر مهما تفاقمت المشاكل و البرود العاطفي و الجنسي أفضل الانسحاب من العلاقة على الخيانة على خاطر الخيانة صفة و الغدر الصفة مايتقابلوش مع الحب و التضحية،كلامك محلاه عجبني علخر أما جيست عطيت رأي في النقطة أذيكا اكاهو برافو♥️♥️♥️

Reply

Leave a Comment