#كاتب_السيناريو : ” مشيانك حافي و لا تكركيرك في الشلايك ” كنت نسمع بالمثل هذا من برشة ناس كبار ف…

[penci_ads id=”penci_ads_4″]
” مشيانك حافي و لا تكركيرك في الشلايك ” ❤✌

كنت نسمع بالمثل هذا من برشة ناس كبار في العمر و مانيش فاهم المعنى متاعو بالصحيح لكن كيف عشنا في الدنيا عرفت المعنى الحقيقي و طلعت بالرسمي انك تمشي حفيان و لا تكركر روحك مع شلاكة ! مشيانها حافي تنجم تكون طفلة مازالت كي حلت عينيها مع راجل و حبتو برشة و عطاتو كل شيء حتى اغلى حاجة عندها عن حب موش بتخديم مخ منو خاطر الكفلة لي تحب بقلبها و تعطي اغلى ماعندها تولي بيها و عليها و كيما عطاتني تعطي لغيرو لي هي لغة مضروبة بش يقنعو بيها رواحهم طفلة وثقت فيه و وقفت معاه وقفة رجال في الباهي و الخايب !! حبتك كيف ما انت بعيوبك و بشومك و لومك و ترا فيك الحب و لي قداش من صاحبة قلتلها سيب عليك منو موش متاعكم تعاركت مع دارهم على خاطرو و تحدات الناس الكل لي جاو ضدها و قالت هو او لا احد لكن هو ماهوش حاسس بيك و يعامل فيك بالخايب و ماهوش محسسك لا بالحنية و لا بأنوثتك و فمة برشة رجال كيف يبدى مع طفلة تحبو يبدى يتعزز عليها تقول شادد عليها السماء لا اطيح على خاطر حبيتو بش يذلها على خاطر عشقتو بش يطلب منها اي طلب و ترد بالها ترفض هو الفاتق الناطق و هي تنفذ الأوامر لي جات من السلطة القضائية و هاذي اخيب انواع العبودية في حب الإمتلاك ….. بالرسمي فمة علاقات بلاش بيهم خير علاقة كلها تخديم مخ و تنجم توفى في اي لحظة عادي توفى ببلوك فايسبوك ولا على خاطر جام من طفلة على تصويرة بروفيلك يعني على اتفه الأسباب تنجم توفى علاقات دامت سنين برشة مشاكل و خيانة و عرك و معروك كل يوم لين الواحد يفد و يكره روحو علاقات لي شكون فيها الأقوى و لا شكون يعاند صاحبو اكثر ملاخر علاقة اتعبك برشة و ادخلك في depression تخرج منها كان تاعبة ! و فمة علاقات محلاهم لا هات مودباس متاعك و لا شكون هاذيكة ولا درا شنية الثقة قبل كل شي راحة البال هي الكل و عمرك ما تقيد روحك مع انسان ماهوش بش يخليك مرتاحة في حياتك و كيما حبيتو و طلع ماهوش في المستوى تنجم تحب غيرو و تستمر الحياة يعني تبقى حفيانة و لا تكركر روحك مع انسان شلاكة بوصبع راس مالها 5 آلاف فرنك و تعطيه اكثر من قيمتو و يبدى يتعزز عليك تقول ليوناردو ديكابريو في زمانو يبدى يتشرط في كل شيء و في لخر يخسر عليك كلمتين لي من نوع انت لي خسرت و جات منك موش مني و الكلمة لخرى لي تبهرني لي هي ربي يسمعنا على بعضنا علم الخير و مبعد يمشي يعاود يطبق لي عاشو معاك الكل مع طفلة اخرى بلكشي تخطف معاها بسيستام ال copier coller … فسلام لكل إمرآة صبرت على ذكورية عقل الرجال و سلام لكل إمرآة صبرت على قصور عقل الرجال …….. و السلام ❤👌
برطاجي كيما هي ✍💪

[penci_ads id=”penci_ads_1″]