22 C
تونس
11/05/2021
مسلسل الفوندو

#كاتب_السيناريو : حليلتو ….. أما خسارتو زبال قداش توجع الكلمة كيف واحد يهينك و لا يستعار منك ول…

حليلتو ….. أما خسارتو زبال 💔 قداش توجع الكلمة كيف واحد يهينك و لا يستعار منك ولا من خدمتك لي في الدنيا هاذي كل واحد و رزقو لي يعيش عليه و كل واحد فينا آش مكتبلو ربي كيفاش بش يعيش! يعني الزبال عندكم ماعندوش الحق يعيش؟؟؟ ما عندوش الحق يحب و يتحب؟؟ ماعندوش الحق يدخل في علاقة بالحلال و يتعرف على طفلة دافية و من أي فئة تكون فيها هي كيما تنجم تكون من طبقة راقية و تحب عامل نظافة كيما تنجم تكون من طبقة متوسطة و الحكاية مربوطة بالقلب موش بالمخ ! ياخي علاش نراوها غريبة كيف طفلة تتضرب في زبال و لا خضار و لا أي مهنة خاطر الراجل عمرو ما يتعاب من خدمتو et surtout كيف يخدم بعرق جبينو و مرضي روحو قبل ما يرضي الناس لي كلامهم يوجع من غير حتى رحمة و مخيبها الناس لي تعيش بالمظاهر و تكذب على رواحها ….. الراجل ما يتحقرش ❤👌
#إبن_خلدون 🇹🇳✍
Houssem Aloui


Related posts

شكون قتل مريم زعماا

شقولكم في حلقة اليوم

زعما باش تلحم بيناتهم ههههههه

34 تعليق

Bilel Bilel 02/05/2021 at 9:14 ص

Lbnet ltektb f les commentaire la8leb kn mch kol yekthebo Just sentiment drama ama flwa9e3 imouto 3l vus wlmthaher f w9tna mch 3l rojelto torbito nn 3l karhebto w flouso l3ychin fih nrou fih 3lvoitur ay progrme t9olik rni dispo w nrml tehezha 7tte lsouden w barra 3ed nhkouch 3l vzet ne9sa bch nchri tlfoun hhhh w ak li7ebo ye3mlo buz bebdounet hem 7tte les sale de sport krehnehm w fedina mnhem li7eb wlt7eb i3ich yofreth cha5sito yertha bli3atahoulo rabbi

Reply
Sarah Traiey 02/05/2021 at 9:14 ص

Très touchant bien dit 👏👏

Reply
Dah Saii Saii 02/05/2021 at 9:14 ص

c’était vraiment touchant 😔❤

Reply
Fezai Molka 02/05/2021 at 9:14 ص

كلام من ذهب bravo wlh ❤❤

Reply
ياسمين الزعيبي 02/05/2021 at 9:14 ص

برفوووو❤🥺

Reply
Amęnį Mêlkî 02/05/2021 at 9:14 ص

الراجل عمرو مايتحڨر وخدمة نهار مافيها عار ❤️

Reply
Oumayma Hamdi 02/05/2021 at 9:14 ص

خدمة النهار مافيها عار الراجل يبقى ديما راجل مهما كانت خدمتو ومهما كانت الظروف bravo houss❤❤❤👈

Reply
آية بن خذيري بولعابي 02/05/2021 at 9:14 ص

خدمة النهار ما فيها عار 🙏
أو ولد وبنت الرجال يخدم لخضر واليابس وقدام ربي راجل وسيد الرجال 🙏❤

Reply
Amira Youssfi 02/05/2021 at 9:14 ص

خدمة نهار مافيها عار
وراجل عمرو مايتحقر انشالله برشاا عباد و سيرتو بنات إلي تتكبر على راجل وترى في روحها حاجة كبيرة
تفهم الي الفلوس ماتجيش بساهل مدامو راجل ويسعى بالحلال عمرو مايتحقر

Reply
Chä Îmā 02/05/2021 at 9:14 ص

Kan tweldet w l9ate boha 3amel nathafa walla 5athare kanet chtist3are minno sama7ni fi kilma la3bade illi chayfa rou7ha w hazetha naf5a bkarahbetha walla flouse siwa mra walla rajel n9olhom naf5a kan lijifa 7acha illi mayestahelhache w famma rabbi raho ara7mo b3athkom yar7emkom rabbi w illi machi bitaba9ate waka lo8a mat3rech 3ala dinya 5ater illi yath7ek 3la 5ouh zmane 3douhe w lyoume lik w 8odwa il8irik w hmdl 3ala kol chy

Reply
Amine Mechergui 02/05/2021 at 9:14 ص

رزق بيد ربي وكل وحد ميكل كان لكتبلو

Reply
Hanin Hanouna 02/05/2021 at 9:14 ص

المخ حشكم الزبله الي يفكر ويخمم هكه اما الي يخدم علي روحه ميتعيبش

Reply
Hâlîm Edênîa 02/05/2021 at 9:14 ص

خدمة النهار مافيها عار
والراجل عمرو مايتحڨر حتي لو عطاتو الدنيا بالظهر نقطة وأرجع لسطر ✅✌️

Reply
Ämîñ MâåTøüg 02/05/2021 at 9:14 ص

اخطانا ملوغة هذي نفرضو حبتو اناهي لعائلة لي مازالت ترضا براجل خدام حزام يحبوه بدارو بكرهبتو وشوف وشوف لمشكلة لكل من عقلية العائلة راو وربي يعين اي واحد يخدم بالحلال⁦❤️⁩

Reply
Oum Yakin 02/05/2021 at 9:14 ص

خدام ارجال سيدهم خدمت ازبال ماهيش عيب لموهيم خدام وما يم د يدو لحد

Reply
Wertani Ahmed 02/05/2021 at 9:14 ص

هذا مجرد كلام أم راجل في تونس يتحقر خاتر زوالي يزو بلا لوغة

Reply
بليغ الزعباز 02/05/2021 at 9:14 ص

في فاسبوك تلقى ضربان لغةكلها تحب تأخذ عامل نظافة في لحقيقة تشوف شي آخر ت احنا في تونس حقرة موجودة و نشوفو لعباد زواولة بظرة دونية كيف تحكي علا شي هذا تلقاه في اروب موش في تونس بربي نقسو من ترهدين

Reply
Hamida Ben Nouisser 02/05/2021 at 9:14 ص

العباد الي تنبر على المرا راو الباهي والخايب في كل بلاصة زعما الراجل كي يبدا لباس عليه وبوڨوس باش يتلفت زعما ألواحدة مزيانة قليلة تخدم معينة منزلية مع أحترامي لجميع المهن الشريفة يزيو من تهويل الامور هذاك صحيح واقعنا اما ديما الشاذ يحفظ ولا يقاس عليه

Reply
Amin Trichili 02/05/2021 at 9:14 ص

خوذ الي من مستواك باش تعيش رابح قدرك… لا تغزر الفوق لا تغزر اللوطة 😊

Reply
Bent Layari 02/05/2021 at 9:14 ص

كان جاء بلحق نلوج عليه و ناخذو والله مش حديث الراجل بروجلتو 👌👍

Reply
Arbia Bahri 02/05/2021 at 9:14 ص

المفيد يخدم و ميمدش يدو بالحلال الطيب
مهما كانت نوعها ربي يعين الرجال ♥️

Reply
Nada Ep Atef 02/05/2021 at 9:14 ص

المشكلة موش في الخدمة المشكلة في العقلية متاع التوانسة اللي يستعارو من كل شي واللي لو كان موش عمال النظافة راهو الوسخ كلانا بالله يزيو من التكبر على خلق ربي

Reply
ليلى عزيزي 02/05/2021 at 9:14 ص

هو في الاصل احنا المواطنين هم الزبالة ، و العامل يلملنا في زبلتنا و وسخنا ،،،و كلمة طبقة راقية راهي قابلة للنقاش ،،،،

Reply
Hamada Ahmadi 02/05/2021 at 9:14 ص

Barcha bnet ya7kou bkelmet 5edmet nhar mafeha 3ar w ken yji jad weyji wa7ed ya5tebhom w tebda 5edemtou mounathef tawa twali tetcha9nes w twali mate5ethech wa7ed zabel

Reply
Fatiha Jemai 02/05/2021 at 9:14 ص

خدمة النهار ما فيها عار وراجل عمرو ما يتحقر مدام يخدم بعرق جبين

Reply
Anis Ben Belgacem 02/05/2021 at 9:14 ص

خدمة النهار ما فيها عار والراجل عمرو مايتحقر
أما عمركش شفت في تونس عامل نظافة معرس بطبيبة ولا معلمة ولا أستاذة ولا موظفة ولا حتى فتاة عادية ولا …ولا ….مستحيل على خاطر العقلية في تونس مزالت تاعبة برشا في تونس الحقرة موجودة وماهياش باش تتنحا..
نحنا في تونس اول ماتحكي الطفلة لامها الي ثما شكون باش يجي يخطب تقلها اشنوا يخدم؟؟؟؟
خويا عامل النظافه نهارت الي باش يعرس باش ياخو وحدة زولية أكثر منوا هذا واقعنا وما غير منكذبو على بعضنا
وربي يعين أي راجل يجدم بالحلال

Reply
Ali Al Zorgany 02/05/2021 at 9:14 ص

هادا واقعنا المرير فما برشا ناس تفكر هكا اما الخدمه عمرها ماولت عيب ولا تعير وبرافو برا لقدام

Reply
Nø Nâmë 02/05/2021 at 9:14 ص

اذهبو لأوروبا ❤
فهناك نساء تعشقن الرجال💪 .. وليس
الأموال 💷 …!

Reply
Farid Bba 02/05/2021 at 9:14 ص

الخدمة مهيش عيب اما كان جات الناس الكل كيفك راها الدنيا بخير

Reply
Ahmed Haddad 02/05/2021 at 9:14 ص

تعرف في تونس ما ينجمش اذيكا تونس تي هيا تبدا فقريه و أول ما تعرف واحد اكرز ملي معاها تبيعو ما فماش حب يتقاس بالفلوس و الزين الحب حاجة خارجة مالقلب يعني قلب يحب قلب موش تحب طفل علا فلوسو و الا تحب بنية علا زينها المحبة الي بالحق ما ورهاش هدف يعني انت كي تقول نحب انسان علا الحاجة هذيكا معناها انت ما تحبوش هوا اما حجات معينة فيه تي مالاخر حب في تونس كذبة و نعيشو باها

Reply
Ømaýmă Læhmër 02/05/2021 at 9:14 ص

يرحم والدك في كلام و كما يقولو خدمة النهار مافيها عار سامحني كان جاء سارق راهي ماتت اعليه خطر مدللها و كل مرة يجبلها cadeaux و يخرجها هي وقتها تحبو و تموت اعليه رغم الي تعرفو سارق معنها كيف تكون فلوس حرام تفرح أما تكون فلوس حلال لا تحقرو و تضحك اعليه و تقولو زبال سامحني يلا اسمو عامل نظافة و يبنظف في وساخك و موش عيب خطر لا يسرق و لا يخطف و لا يعمل في حاجة حرام قعد يخدم و يلخص بعراق جبنو موش يمشي إلى والديه و يمديدو ويقول أعطنو مصروفي و نهار كامل راقد برافو لكل راجل يخدم بالنهار و يخدم بالحلال👍

Reply
Ali Zinelabidine 02/05/2021 at 9:14 ص

بالله تو البنات الي دازينً علاها الراجل ما يتقاصشً بخدمتوً وووووو بالله لو كان يقطبهاً خدام حزام تولي وه وه هاك ما مزال (لوح علينا من اللغة المضروبة) وربي ايبقيً الستر

Reply
Hanene Nou 02/05/2021 at 9:14 ص

التخمام هذا عندنا العرب المسلمين اكهو اما شوفوا الكفار كيفاه تاخذه” زبال” حداد مرماجي وتبدأ هي طبيبة والا موظفة مع انه دينا يقول”
قُلْ إِنَّ رَبِّي يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ لَهُ ۚ وَمَا أَنفَقْتُم مِّن شَيْءٍ فَهُوَ يُخْلِفُهُ ۖ وَهُوَ خَيْرُ الرَّازِقِينَ؛”

Reply
Ma Bou 02/05/2021 at 9:14 ص

ايدين الحرشة باسها النبي عليه الصلاة والسلام
الخدمة انهار مافيها عار
العيب كان ليعمل في العيب
اوهو ايقلولو عامل نظافة مش زبال

Reply

Leave a Comment